Selelekela

Khatisong ena re hetla morao lilemong tse leshome tse fetileng. Sesiu sa na sa thehoa ka la 27 Phupu 2010, ‘me khatiso tsa lilemo tse peli tsa pele ea na ea eba koranta. Sethatong ha re simolla, ra na ra buisana le sehoai sa Sebothoane, e leng Monghali Mahala Molapo eo e seng e le letona la ‘Muso oa Motlotlehi moraong ona.

 

Sehoai sena se ne se ipabotse haholo masimong ka temo ea linaoa, poone le koro eo a neng a hlalose a e rata ka pelo eohle ea hae. Leha nakong eo, mechini e kotulang koro e ne e fokola, Mahala one a ntse a phunyeletsa a kotula koro ea boleng bo holimo, a e rekisetsa Leloala la Lesotho la koro. Ha e le poone eona o ne a atisa ho e sila a ithekisetse eona ho latela chelete e tlase eo, lihoai li neng li e fumana ‘marakeng oa Lesotho le Afrika Boroa.

 

Re boetse re lekola setšoantšo sa mojali ka ha re keteka lilemo tse leshome joale Sesiu se thehiloe. Taba kholo ea rona ke ho fumana na, re jetse peo e kae pela tsela, e kae majoeng, e kae meutloeng, le e kae mobung o motle.

 

Ha re kena selemong sa leshome re lakaletsa bohle katleho le bophelo bo botle lilemong tse ling, tse leshome hape.

 

Leave a Reply

Your email address will not be published. Required fields are marked *