Selelekela

Re simolotse selemo sa 2019 ka tlala ea bo ja likata ka bomalimabe boo ‘Muso oa Lesotho o bo baketseng lihoai tsa Farelane le Seiboko ka litaba tsa litefo tsa boea.Ba BKB ba ile ba bitsetsoa ka Ntlong ea Mahosana moo teng ba bileng le monyetla o motle oa ho ikarabella liqosong  tsohle tseo re ntseng re li bakeloa ke bofofu ba ‘Muso oa Lesotho ka matona a meharo a litsotsi a mathang le Machaena. Moifo o bileng Ntlong ea Mahosana o ne o bopiloe ka BKB, SAWAMBA le Mokhatlo oa Farelane le Seiboko, ‘me teng Monghali Isak Staats, Monghali Andre du Toit le Monghali Eddie Prinsloo ea tummeng haholo ka lebitso la Mojela. SAWAMBA e leng mokhatlo oa bareki ba boea ba Farelane le Seiboko o ne o emetsoe ke Monghali Andrew Pape eo hape e leng ena moreki e moholo oa boea ba nku ea Lesotho ho tsoa Modiano.

Kopano e ile ea tsamaea ka thello ‘me BKB e ile ea tekela komiti ea mahosana lehlakore la eona litabeng tsa boea. Moifo o ile oa kopa ho Ntlo ea Senate ho eletsa Paramente ea Lesotho hore e hule Melaoana e tsamaisang theko le thekiso ea boea ea 2018 kaha ho bonahala lihoai li kena bofumeng ho fapana le lilemo tse fetileng ha ntse ba rekisitsa limmarakeng tse buleileng tsa lefatše. Leha ho le joalo, lipontšo tsa lihoai li ile tsa atleha haholo seterekeng sa Mokhotlong moo lihoai li neng li bile li kopile Sepolesa sa Lesotho bakeng sa tšireletso le polokeho e leng se esong ho etsahale nalaneng ea Mokhatlo oa Farelane le Seiboko.

 

Leave a Reply

Your email address will not be published. Required fields are marked *