Sehoai sa Meroho Leribe

 

 

20_(8-12-2019 13-22-6)Canon Canon EOS 600D(5184x3456)

 

 

 

 

 

 

 

 

 

 

Nkhono ‘Mampati Serapeng Sa Hae

 

 

Ka: Tshepo Heqoa

Nkhono Mampati Matla ke sehoai se ahileng motseng oa Ha Ramoloi, Linotšing Leribe. Ke e mong oa lihoai tse unneng molemo mokhatlong oa lithuso oa Small-holder Agricultural Development Project (SADP) moo teng a fumaneng Greenhouse ea letanta, tanka ea metsi ekasita le pompo ea metsi a fatše. Nkhono ‘Mampati eo e leng leqhekoana la Mosotho ea qetileng lilemo tse telele a rata temo ea meroho o arorelana pale ea katleho ea hae ka tsela e latelang.

Karolong e kholo ea bophelo ba hae, Nkhono ‘Mampati o iphelisitse ka temo ea moroho moo teng a phetseng ka ho rekisa moroho oo a itjallang ona serapeng sa hae lapeng moo a phelang teng. Ka tataiso ea mosupisi ea sebeletsang liofising tsa SADP Hlotse, Nkhono ‘Mampati o ile a thusoa ho ngola kopa mabapi le lithuso tsa thepa eo a ka e sebelisang ho hlahisa meroho ka mokhoa oa tlhahiso e phahameng. Tlhophiso ea kopo ena kaofela etsahetse mafelo a selemo sa 2017.

Ka selemo sa 2018, SADP e ile ea qala tšebetso ea khaho ea greenhouse ekasita le ho cheka metsi ka khoeli ea Phuptjane. Ona e bile mosebetsi o matla haholo o ileng wa qala ka sekhahla oa ba oa phetheloa ka matla a tšoanang. Serapa sena se boholo ba limethara tse mashome a mabeli mahlakore ohle ‘me litšenyehelo kaofela e bile M149 000.00.

Puong ea hae Nkhono ‘Mampiti o boleletse Sesiu hore seemahale seo sa greenhouse se reretsoe ho hlahisa litholoana le meroho ka bobeli empa thahasello ea hae e ituletse haholo tlhahisong ea meroho. Mefuta ea meroho eo a e hlahisang ke k’habeche, Sepinache, hanyanese, le tse ling. Bokhabane ba tšebetso le tlhahiso ea hae moo teng a sebelisang moiteli oa likhomo ho ntlafatsa mobu, Nkhono ‘Mampiti o bile lehlohonolo la ho ba e mong oa lihoai tse fokolang tseo lihlahisoa tsa tsona li tlang ho sebelisoa ke sephehi se seholo Chef Moteane litlholisanong tsa boapehi ba nama ea seboku Mojalefa Lephole Convention center.

 

 

 

11_(8-12-2019 13-3-56)Canon Canon EOS 600D(5184x3456)

 

 

 

 

 

 

 

 

 

 

Nkhono ‘Mampiti joalo ka bo-rakhoebo ba ntseng ba hola o na le bathusi ba babeli ba mo thusang tšebetsong ea hae. Litabatabelo tsa hae li akha ka hare ho ba le ‘motokara o tla nka lihlahisoa tsa hae ho tloha serapeng ho ea ‘marakeng teropong ea Hlotse. Qholotso e ntseng e le kholo e ntse e le komello e jeleng setsi e bile ele kobo anela Lesotho ho tloha ka ‘Mesa ho fihlela le holimo. Nkhono ‘Mampati o qetetse ho kenya peo mobung ka khoeli ea Hlakola. Marotholi a lipula a bileng teng ka nako eo a ile a mo thusa ho nka karolo lipontšong tsa setereke hona selemong se holimo.

Leha boima ba tšebetso bo le teng tabeng ea ho tšella kaha ba sena lipeipi tsa ho tšella lijalo, ba mpa ba sebelisa linkho li linkhoana, serapa sa Nkhono ‘Mampiti se hlolla pono ka chalimo.

 

Leave a Reply

Your email address will not be published. Required fields are marked *