MAQHUTSU (Dermatophilosis, Streptothricosis, Lumpy wool)

Lefu la maqhutsu le tloalelehile haholo likhomong empa e teng hape le likhuts’oaneng e teng.

MATS’OAO

  • Boea na khuts’oana bona le maqhutsu, lekhoekhoe le makhekhebu.
  • Haeba lefu lena le jele setsi; boea kaofela bo eba le lekhekhebu kaofela.
  • Kahoo, khuts’oane eba le maqhutsu ‘meleng ebe litsebe, lipounama, sefahleho, lirope le mokotla oa botona leeba le lekhoekhoe. Ho bobebe hore sehoai se ka ferekanya lekhoekhoe le maqhutsu.
  • Boea bo ea khenathela bo hloke masosuoa
  • Ho eba le boruruisi moo boea bo senyehileng. Maqeba aka buleha, hoa eba le lekhoekhoe kapa hoa eba maqhutsu a maqeba. Ha phoofolo e ka ingoaea lekhoekhoeng leo, ho qhitsa mali.
  • Qetellong liphoofolo liloka takatso ea lijo ebe ha lifule hantle. Lia ota lithefulehe matla. Tse ling tsa liphoofolo litla shoa ka lebaka la hp se je. Lefu lena le na le mokoka oa khoeli. Ha ho chesa ebile hoena lipula tsa litloebelele, lefu lena le eba le mokoka o molele ho feta khoeli.
  • Boea bo ea senyeha

 

Liphoofolo li fumana lefu la maqhutsu joang?

Lefu lena le e ba teng ha ho ena le mongobo nako e teleleho feta ho shakha hoa letsatsi. Maqeba le letlalo le boruruisi li mpefatsa lefu lena; haholo-holo maqeba a ho longoa ke linta, hlabuhlabu le ho koboloa ke linonyana. Likokonyana kapa linonyana li fetisa lefu lena ho tloha phoofolong e kulang ho isa ho e sa kuleng. Ka linako tse ling, eseng hangata, lefu lena le ka feta ka moea joaloka lefuba. Kokoana-hloko tsena li lula letlong la phoofol ha li fetele phallong ea mali.

Leha hole joalo, matlalo a liphoofolo le na le likokoana-hloko tse ngata empa boholo ba tsona ha li bake lefu lena.

PHEKO

  • Hangata liphoofolo li phekoleha kantle ho ts’ebeliso ea meriana haholo haeba ho chesa ebile ho omeletse empa likokoana li ka lula letlalong le phoofolo ‘me la baka leefu lena la maqhutsu ha hole mongobo.
  • Ho tlotsa moriana holima lekhoekhoe ha ho thuse
  • Enta ka ente e tsosang sesole sa ‘mele ele ho thibela letlalo le lemetseng ho angoa ke likokoana-hloko.

Meriana e tsosang sesole sa ‘mele (antibiotics) ke efe?

Meriana ena ke eo lihoai litloaetseng ho e bitsa “meriana ea mafu oohle” ka lebaka la ho e phekola mafu a mangata. Leha hole joalo hase nnete hore ke meriana e phekolang mafu oohle. Meriana ena e mengaka haholo ‘me ts’ebeliso ea eona e a fapana. Phapang ea meriana ena e etsa hore meriana e meng e sebetse betere liphoofolong tse ling ho fapana le ho tse ling. Mohlala; Hitet ha ea lokela ho sebelisoa lintjeng empa e sebetsa hantle haholo likhuts’oaneng. Ho molemo hore sehoai se latele taelo tsa mohlahisi ka hloko, haeba se sa tsebe puo e ngotsoeng morianeng, se batle motho ea ka tolokang.

images (11)

Ts’ebeliso ea meriana e tsosang sesole sa ‘mele

Meriana e mengata e thibelang ssole sa ‘mele joalo ka penicillin (broad-spectrum), sulphonamide and trimethoprim, tetracycline, e sebetsa hantle ho thibela mafu a fapaneng ka ha e sebetsa betere e ‘ngoe le e ‘ngoe ho bolaea kokoana-hloko tse ikhethileng. Mehlala; griseofulvin, penicillin (narrow-spectrum), streptomycin, tylosin, e sebetsa mafung a itseng (a fokolang) feela ho bolaea likokoaana-hloko.

  • Ho phekola mafu a sekhahla kapele, sebelisa moriana oo o ka entang naming ‘me o ente ho latela tekanyo ea mohlahisi. Haeba moriana e le o riteloang ka metsi, ho molemo o o sebelise hang kaha meriana e joalo ka e na nako e telele ea polokelo.
  • Haeba moriana o le tekanyo ea 20ml kapa ho isa holimo, qoba ho enta ka lehlakoreng le leng, arola moriana ka 10ml le 10ml, lehlakore ka lehlakore.
  • Meriana e meng ea batho e ka sebelisoa liphoofolong, mohlala; penicillin
  • Hase mafung a mangata meriana e tssang sesole sa ‘mele e phekolang mafu a bakoang ke kokoana-hloko e nyane haholo (virus), empa e tsosa sesole sa ‘mele hore e etse ts’ereletso ea mofuta oo, ebe phoofolo ha e shoe.

Meriana ee e fanoa nako e kae?

  • Fana ka moriana ona ho latela litaelo tsa mohlahisi empa mafu a mangata a fuoa matsatsi a mararo ho isa a mahlano ebe ho lekane.
  • Leka moriana bonyane matsatsi a mararo pele o ka nka qeto ea hore ha o sebetse. Mafu a tsamaeang le mathopa hangata a nka nako e telele ho phekoleha kahoo haeba moriana o sa sebetse kamor’a matsatsi a mararo ho isa ho a mahlano, sebelisa moriana mong
  • Meriana e meng e sebetsa lihora feela ‘me o lokela ho li fa letsatsi le letsatsi. Meriana e meng eona e nka nakoe telele e ntse ele phallong ea mali, meriana ena hangata ena le LA kapa PA qetellong ea mabitso a ona ‘me ha e phethoe hangata joaloka ea pele. Meriana e mengata e tsosang sesole sa ‘mele e tla le litaelo tsa hore na sehoai se eme nako e kae pele baka sebelisa lihlahisoa tsa liphooofolo (nama le lebese) kamor’a hore liphoofolo li phekoloe. Haeba ho sena litaelo, ho molemo ho ema matsatsi a mararo pele lebese le sebelisoa; beke tse tharo pele ho hlajoa kamor’a ho sebelisa meriana ena.
  • Sehoai se lokela ho sebelisa meriana ena ka hlokolosi, ba qobe ho e sebelisa ha ho sa hlokahale kaha ena le litla-morao tse bosula liphoofolong le bathong. Liphoofolo tse lulang li fumana meriana e tsosang sesole sa ‘mele hangata ha li phekolehe kaha likokoana-hloko lia hlalefa ‘me leha moriana o le teng phallong ea mali, ha li phekolehe.
  • Phekolo ea lefu la maqhutsu ha e atlehe hangata linkung ka lebaka la hore lefu lena le bakoa ke kokoana-hloko e nyanyane haholo.

images (5)

 

 

TAELO

  • Qoba ho lematsa letlalo la phoofolo haholo nakong ea ho kuta kaha lefu lena le kena ka maqeba. Maqeba a ka baka le mafu a mang joaloka serotsoana. Hang hoba liphoofolo li kutoe ebe lina le maqeba, sebelisa meriana e phekolang letlalo joaloka povidone spray/powder (iodine).
  • Laola linta, lits’its’i, linta le matsetse ka meriana e loketseng
  • Haeba lefu lena e se ele pharela, li ahele lesaka le ka lisereletsang ho pula feela netefatsa hore moea o hloekileng o oa foka.
  • Qoba ho fulisa liphoofolo moo ho enang le lihlabuhlabu
  • Kaha lefu lena le ea ts’oaetsana, bolaea liphoofolo tse bonahalang li kula haholo ele ho qoba hore lifetisetse lefu lena ho liphoofolo tse ling.

 

Leave a Reply

Your email address will not be published. Required fields are marked *